Milani u rikthye te fitorja në Serinë A, pasi mposhti me rezultatin e pastër 3-0 skuadrën e Veronës, në duelin e vlefshëm për javën e 17-të.
Kuqezinjtë vuajtën në pjesën e parë, por ia dolën të gjejnë avantazhin para pushimit. Në minutën e 46-të, Christian Pulisic zhbllokoi takimin, pas një asisti të marrë nga Rabiot.
Fraksioni i dytë nisi me gol për Milanin, me Christopher Nkunku që shënoi golin e parë sezonal në kampionat nga penalltia e fituar vetë. Ky realizim i dha motivim francezit, i cili pas pesë minutash realizoi edhe të dytin personal.
Rezultati nuk ndryshoi deri në fund, pavarësisht rasteve në të dyja portat. Me këtë sukses, Milani ngjitet në krye të renditjes me 35 pikë, në pritje të ndeshjes Atalanta-Inter.
Verona mban vendin e 18-të me 12 pikë të grumbulluara deri tani.
