Trajneri Bledi Shkëmbi pritet të mbyllë bashkëpunimin me skuadrën e Strugës, por e ardhmja e tij mund të mbetet sërish në Maqedoninë e Veriut.
Tekniku 47-vjeçar ka hyrë në bisedime me klubin e Shkëndijës së Tetovës, që ndodhet në kërkim të një timonieri të ri pas largimit të Jeton Beqirit.
Drejtuesit e skuadrës tetovare kanë zhvilluar së fundmi një takim me ish-mesfushorin korçar për të diskutuar mundësinë e marrëveshjes.
Pavarësisht zërave që e lidhnin emrin e tij edhe me stolin e Partizanit në Superiore, gjasat që ai të kthehet në futbollin shqiptar mbeten mjaft të vogla.
Kalimi te Shkëndija shihet aktualisht si pista më e mundshme për vijimin e karrierës së Shkëmbit.
