Ademola Lookman do të vazhdojë të jetë pjesë e Atalantës, pavarësisht interesimit konkret nga Interi.
Klubi bergamask ka refuzuar një ofertë zyrtare prej 42 milionë eurosh plus bonuse, duke i qëndruar kërkesës së tyre prej 50 milionë eurosh. Edhe pse lojtari kishte shfaqur dëshirën për t’u transferuar te skuadra milaneze, Atalanta nuk ka hequr dorë nga pozicioni i saj.
LEXO EDHE: Interi kërkon sulmues, zbulohen dy lojtarët që ndjekin italianët
Lookman është aktualisht i dëmtuar dhe nuk do të udhëtojë menjëherë me ekipin për fazën përgatitore në Gjermani. Megjithatë, ai nuk ka kërkuar të mos grumbullohet, një sjellje që klubi e ka vlerësuar.
Pas shitjes së Retegui-t, drejtuesit duan të ruajnë ekuilibrat në skuadër. Interi tani duhet të vendosë nëse do të përmbushë kërkesën e Atalantës apo do të orientohet drejt alternativave si Openda apo Nkunku.
