Dy organizata që përfaqësojnë tifozët e Atletico Madridit kanë dorëzuar një padi penale ndaj UEFA-s dhe presidentit Aleksandër Ceferin.
Padia ka të bëjë me një episod nga ndeshja kundër Real Madridit, ku sipas tyre, pamjet e një penalltie janë manipuluar. Raporti i një laboratori të pavarur thekson se videoja e publikuar nga UEFA përmban ndërhyrje teknike. Shoqatat kërkuan versionin origjinal të videos, por UEFA nuk dha përgjigje.
Si pasojë, vendosën të ndjekin rrugën ligjore. Në deklaratën zyrtare thuhet se ky rast cenon dinjitetin e tifozëve dhe integritetin e futbollit. Synimi është rritja e transparencës në institucionet ndërkombëtare të futbollit.
