Laçi triumfoi 2-1 ndaj Kukësit me përmbysje, në një ndeshje shumë të luftuar, në javën e parafundit të Kategorisë së Parë.
Kurbinasit fituan falë një penalltie shumë të diskutuar, e cila u kthye në gol nga Tresa. Siç shihet edhe nga pamjet, mbrojtësi i Kukësit prek topin dhe e largon në këndore.
Megjithatë, nuk ishte i këtij mendimi arbitri Geraldo Mënaj, i cili pa u menduar dy herë, akordoi 11 metërsh.
Kjo humbje i rrezikon rënien direkte Kukësit, ndërsa ndihmon Laçin të synojë titullin kampion në javën e fundit.
