Situata te Pogradeci duket më e keqe se kurrë më parë. Humbja ndaj Laçit, që dogji mundësinë për ngjitjen direkte, ka tronditur juglindorët.
Klubi ka përjashtuar kapitenin Vangjel Zguro, pas një përplasje që kishte me stafin teknik dhe trajnerin Emiljano Çela.
Megjithatë, asgjë nuk përfundon këtu. Klubi, ose më saktë, ata që menaxhojnë faqet e klubit, kanë nisur “sulmet” ndaj kapitenit, në rrjetet sociale.
Në faqen e Pogradecit, janë postuar dy video, ku Zguro fillimisht humb penalltinë dhe më pas humb një duel në zonë, ku erdhi dhe goli i dytë nga Laçi.
Klubi ka zgjedhur të sulmojë indirekt kapitenin, duke postuar dy momentet e tij të këqija, ndërsa i shoqërojnë me shkrime tendencioze, për të nxitur tifozët të reagojnë ndaj lojtarit.
Sikur të mos mjaftonte ky amatorizëm, tregojnë edhe paaftësinë e tyre, duke publikuar shkrime të marra nga Inteligjenca Artificiale, ndërsa harrojnë të fshijnë edhe gjurmët ku i kanë marrë.
Një klub profesionist, nuk reagon kurrë kështu ndaj lojtarit të tij.
