Përplasja mes Edi Martinit dhe Hygerta Sakos ka kaluar tashmë në duart e Komisionit të Disiplinës në FSHF, që pritet të marrë masa ndaj trajnerit të Vllaznisë.
Pas barazimit me Dinamon, Martini refuzoi të prononcohej për televizionin publik, duke akuzuar moderatoren për mungesë etike dhe tallje me lojtarët.
Tekniku shkodran deklaroi se do të vazhdojë bojkotin e tij për sa kohë emisioni drejtohet nga Sako, pavarësisht ndjesës që i kërkoi zyrtarisht Federatës dhe presidencës së klubit.
Nga ana tjetër, rregullorja e FSHF-së parashikon gjoba të majme për trajnerët që shmangin detyrimet për prononcim pas ndeshjeve zyrtare. Ky bojkot i hapur pritet të shoqërohet me një penalitet financiar, ndërsa mbetet e paqartë se kush do t’i përfaqësojë kuqeblutë në daljet mediatike në vijim.
Situata mbetet e tensionuar, me trajnerin që nuk tërhiqet nga vendimi i tij pavarësisht pasojave disiplinore.
