Martini me “valixhe në duar”, Vllaznia synon një kampion për stolin

Edi Martini pritet të largohet nga drejtimi i Vllaznisë. Kriza e rezultateve në këtë fillim kampionati, ka shtuar presionin.

Presidenti Alban Xhaferi raportohet se i ka kërkuar dorëheqjen, e cila nuk është pranuar nga Martini. Në këtë situatë, trajnerit pritet t’i komunikohet shkarkimi.

Sipas zërave nga Shkodra, i preferuari i drejtuesve është Zekirija Ramadani. Tekniku shkupjan ka eksperiencë të madhe, ku për herë të fundit drejtoi Dritën, me të cilën fitoi titullin në Kosovë.

Në Shqipëri, Ramadani ka drejtuar skuadrën e Egnatias. Në orët e ardhshme, pritet të mësohet nëse zërat janë të vërtetë, apo thjesht thashethem.