Pogradeci është përfshirë nga një krizë e thellë pas humbjes së mundësisë për ngjitje të drejtpërdrejtë në Superiore.
Zhgënjimi i disfatës ndaj Laçit ka degjeneruar në një përplasje të ashpër brenda klubit, që ka çuar në pezullimin pa afat të kapitenit Vangjel Zguro.
Gjatë një analize me tone të larta të zhvilluar sot, Zguro ka pasur një konfrontim verbal me trajnerin Emiljano Çela, duke i kujtuar këtij të fundit ndikimin e tij në emërimin si trajner me fjalët: “Unë të solla këtu”, raporton Panorama Sport.
Klubi liqenor ka mbajtur anën e teknikut Çela, duke marrë masa drastike ndaj mbrojtësit, i cili u bë protagonist negativ në fushë duke humbur një penallti vendimtare ndaj kurbinasve.
Ky kaos vjen në momentin më të papërshtatshëm për Pogradecin, pasi skuadra duhet të rigjejë qetësinë për fazën “play-off”.
