Klubi i Pogradecit ka arritur marrëveshjen me Bylisin për transferimin e mesfushorit Marin Abazaj.
Futbollisti rikthehet në vendlindje pas një eksperience të suksesshme te ballshiotët, ku për dy sezone ka mbajtur edhe shiritin e kapitenit.
Kjo lëvizje konsiderohet një përforcim i rëndësishëm për repartin e mesfushës së liqenorëve në këtë fazë të kampionatit.
Përmes këtij transferimi, drejtuesit e Pogradecit konfirmojnë ambiciet e tyre për t’u ngjitur në Kategorinë Superiore.
Klubi ka qenë mjaft aktiv gjatë kësaj merkatoje, duke afruar lojtarë me eksperiencë për të rritur cilësinë e organikës.
Abazaj pritet t’i bashkohet menjëherë skuadrës në stërvitje për t’u bërë gati për ndeshjet e ardhshme. Afrimj i ish-kapitenit të Bylisit rrit konkurrencën dhe alternativat në skemat e stafit teknik.
Synimi mbetet i qartë: rikthimi i Pogradecit në elitën e futbollit shqiptar.
