Nuk ka qetësi për arbitrimin në Serinë A. Në qendër të polemikave është ndërhyrja e Yann Bisseck ndaj Giovane në ndeshjen Verona-Inter. Sipas “Corriere dello Sport”, kjo ndërhyrje ka ndarë në qëndrime trupën e arbitrave, mes atyre që e konsiderojnë të drejtë kartonin e verdhë të dhënë nga Doveri dhe atyre që mendojnë se duhej ndëshkuar me të kuq.
Për të marrë një vlerësim më të gjerë, dizenjatori Gianluca Rocchi ka dërguar rastin për shqyrtim në UEFA, e cila ka konfirmuar vendimin e gjyqtarit italian. Megjithatë, disa ekspertë theksojnë se interpretimi për “drejtimin e aksionit” nuk mund të jetë justifikim për ndërhyrjen e ashpër. Pavarësisht diskutimeve, Doveri është vlerësuar me notë të lartë nga Komisioni i Arbitrave.
Një tjetër pikë polemike ka qenë ndeshja Fiorentina–Lecce, ku arbitri Rapuano është kritikuar për menaxhimin e protestave në fushë, ndërsa është kërkuar edhe sanksion ndaj Ranierit për sjellje të papërshtatshme.
Polemikat vazhdojnë edhe për rastin në Milan-Roma, ku pas penalltisë së pritur, gjesti i Saelemaekers është cilësuar si i papërshtatshëm. Sipas Komisionit të Arbitrave, ndërhyrja e arbitrit Guida ndaj tij nuk ishte e qëllimshme, por lojtari duhej ndëshkuar për sjellje jo sportive.
