Roma me ecuri perfekte, Como nuk ndalet

Në dy ndeshjet e Serisë A, të vlefshme për javën e katërt nuk kishte surpriza.

Roma regjistroi fitoren e katërt radhazi, në po kaq ndeshje të zhvilluara. Verdhekuqtë triumfuan 2-0 ndaj Torinos në transfertë.

Donyell Malen zhbllokoi takimin në minutën e 40-të. Ky ishte realizimi i gjashtë për holandezin, që duket në formë të shkëlqyer. Në shtesë, Pisilli realizoi të dytin për kryeqytetasit.

Me këtë sukses, Roma ngjitet përkohësisht në krye, me 12 pikë në katër javët e para.

Në ndeshjen tjetër, Como triumfoi 2-0 ndaj Parmës, për të marrë fitoren e tretë radhazi. Ramon zhbllokoi takimin në minutën e 23-të, ndërsa Kaiki e vulosi në minutën e 83-të, me golin e dytë.

Ky sukses e ngjit Comon në vendin e dytë me 10 pikë të grumbulluara.