Manchester United vendosi të shkarkojë trajnerin Ruben Amorim, pas barazimit 1-1 ndaj Leeds në Premier League.
Sipas mediave, tensioni u rrit pas deklaratave të Amorim në konferencën për shtyp, ku ai kërkoi më shumë kompetenca dhe kritikoi në mënyrë të tërthortë drejtimin sportiv.
Këto zhvillime e shtynë klubin të marrë vendimin për largimin e tij. Menjëherë pas shkarkimit, në qarkullim kanë dalë shtatë emra si kandidatë potencialë.
Mes tyre përmendet Xavi, i lirë pas largimit nga Barcelona. Kandidat është edhe Enzo Maresca, i shkarkuar së fundmi nga Chelsea.
Në listë janë gjithashtu Anthony Iraola, Oliver Glasner dhe Eddie Howe. Një tjetër emër është Gareth Southgate, aktualisht pa ekip.
Ndërkohë, drejtimin e përkohshëm të skuadrës e ka marrë Darren Fletcher. Ai do të jetë në stol duke nisur nga ndeshja e radhës kundër Burnley.
