Shtatë gola të shënuar, mbyllet Skënderbeu-Lushnja

Skënderbeu triumfoi 4-3 ndaj Lushnjës në shtëpi, në ndeshjen e vlefshme për javën e 13-të në Kategorinë e Parë.

Kamissoko zhbllokoi takimin në minutën e 2-të, ndërsa vendasit barazuan me një supergol të Estrella në minutën e 14-të.

Vetëm një minutë më vonë, Kaçanolli riktheu avantazhin për lagunarët. Korçarët barazuan me Tayo në minutën e 40-të, por në minutën e 45-të shkaktuan penallti.

Nga 11 metërshi, Ribaudo u tregua i saktë dhe riktheu avantazhin për miqtë. Çuçka barazoi shifrat në minutën e 65-të, ndërsa në fund Nasër shënoi golin e katërt dhe të fitores për bardhekuqtë.

SHIKONI RENDITJEN: https://vetemsport.com/kategoria-e-pare-renditja-pas-javes-12/

Me këtë sukses, Skënderbeu mban vendin e parë me 34 pikë, plot 12 pikë më shumë se vendi i dytë që mbahet nga Laçi.

Lushnja renditet në vendin e 10-të me 12 pikë të grumbulluara në 13 javë kampionat.