Skënderbeu U-19 është eliminuar në raundin e dytë të UEFA Youth League. Skuadra korçare u mposht me rezultatin e thellë 6-0 nga Aston Villa në Angli.
Pas ndeshjes së parë në Korçë, të mbyllur në barazim 1-1, skuadra shqiptare nuk ia doli dot të bëjë mrekullinë.
Vendasit ishin dominues nga fillimi dhe e mbyllën pjesën e parë në avantazh 4-0, falë dopietës së Wilson dhe golave të McGrath dhe Carroll.
Në fraksionin e dytë, Aston Villa shënoi edhe dy herë të tjera, me Wilson e McGrath, për të vulosur kualifikimin.
Aventura e Skënderbeut U-19, mbyllet në raundin e dytë dhe tani fokusi do të jetë i gjithi në kampionatin shqiptar.
