Katër ndeshje të kualifikueseve të Botërorit në Europë, prodhuan plot 14 gola të shënuar.
Në grupin G, Holanda nuk zhgënjeu, duke fituar me rezultatin e thellë 4-0 ndaj Finlandës. Me këtë sukses, “tulipanët” afrohen me kualifikimin, pasi kryesojnë me 16 pikë, 6 më shumë se Polonia e vendit të dytë.
Surpriza e këtyre kualifikueseve mund të quhet kombëtarja e Ishujve Faroe, që mori fitoren e tretë radhazi në grupin L. Ata triumfuan 2-1 ndaj Çekisë, një rivali direkt për kualifikimin në Botëror.
Me këtë fitore, Ishujt Faroe mbajnë vendin e tretë me 12 pikë, vetëm 1 pikë më pak se Çekia e vendit të dytë. Për momentin kryeson Kroacia, që ka një ndeshje më shumë për të luajtur.
Në grupin C, Skocia triumfoi 2-1 ndaj Bjellorusisë dhe merr vendin e parë në renditje.
Fitore e pastër e Qipros ndaj San Marinos, me rezultatin 4-0.
