Mesfushori Kristjan Asllani ka nisur zyrtarisht aventurën e tij te Besiktas, me klubin turk që ka filluar procedurat për regjistrimin e menjëhershëm të lojtarit në Federatë.
Pasi mbërriti në Stamboll gjatë orëve të mëngjesit, futbollisti shqiptar kreu vizitat mjekësore dhe realizoi setin fotografik me fanellën e re.
Për të finalizuar kalimin, po mbyllen hapat burokratikë që përfshijnë ndërprerjen e huazimit nga Torino dhe autorizimin e transferimit nga klubi i Interit.
Sipas mediave turke, drejtuesit e Besiktas i kanë përgatitur të gjitha dokumentet paraprake për ta bërë lojtarin pjesë të ekipit në mënyrë efektive brenda ditës.
Synimi i klubit bardhezi është që Asllani të jetë në dispozicion të trajnerit që në ndeshjen e nesërme kundër Konyaspor.
