Sergio Conceicao bëri debutimin e tij zyrtar në pankinën e Al Ittihad, por lajmet nuk ishin të mira për Mario Mitajn. Ashtu si paraardhësi Laurent Blanc, edhe trajneri portugez vendosi ta lërë mbrojtësin shqiptar jashtë listës së skuadrës për ndeshjen ndaj Al Fajha, e mbyllur 1-1.
Benzema humbi një penallti në minutën e 88-të, duke i mohuar fitoren skuadrës nga Xhida. Mitaj, ndonëse stërvitet rregullisht me ekipin e parë, nuk është përfshirë në protokoll për shkak të rregullit në Arabinë Saudite që lejon vetëm 8 lojtarë të huaj për ndeshje.
Në këtë sfidë, të huajt e zgjedhur nga Conceicao ishin Rajkoviç, Danilo Pereira, Kante, Fabinho, Diaby, Benzema, Bergwijn dhe Dumbia. Situata aktuale e vendos Mitajn në një pozitë të vështirë për minuta loje në kampionat.
Për momentin, mundësitë e tij për aktivizim mbeten vetëm në Ligën e Kampioneve të Azisë, ku nuk zbatohet kufizimi për numrin e lojtarëve të huaj.
