Lamine Yamal, talenti 18-vjeçar i Barcelona-s, mund të bëhet transferimi më i shtrenjtë në historinë e futbollit.
Sipas raportimeve të fundit, thuhet se Al Hilal, ka gati një ofertë prej 400 milionë eurosh, për yllin spanjoll. Pas paraqitjeve të shkëlqyera në “Euro 2024”, ku Spanja fitoi titullin, Yamal është kthyer në një nga emrat më të kërkuar në botë.
Ai rinovoi me Barcelona-n deri në vitin 2031, me një pagë vjetore prej 21 milionë eurosh, por oferta saudite ka ngritur pikëpyetje mbi të ardhmen e tij. Klubi katalanas e ka refuzuar fillimisht ofertën, duke theksuar rëndësinë e Yamalit në projektin afatgjatë.
Megjithatë, presioni financiar dhe raportet e tensionuara me trajnerin Hansi Flick mund ta komplikojnë situatën.
Yamal thuhet se nuk është i kënaqur me kritikat publike të trajnerit, gjë që ka shtuar pasigurinë për qëndrimin e tij. Afati i ardhshëm i merkatos pritet të jetë vendimtar për të ardhmen e lojtarit.
/Cna
