Presidenti i klubit të Pogradecit, Armand Lilo, është shpallur në kërkim nga policia.
Shkak është bërë zjarri i përmasave të mëdha në një kompleks banimi të ndërtuar prej kompanisë së tij, i cili shkaktoi dëme të shumta materiale dhe lëndimin e 11 personave.
Policia e Tiranës ka arrestuar tashmë katër persona, përfshirë administratorin e kompleksit dhe inxhinierin drejtues.
Kjo situatë ligjore e investitorit kryesor rrezikon të destabilizojë financat e klubit në momentin më vendimtar të kampionatit.
Presidenti kishte premtuar së fundmi shuma të konsiderueshme si premio për lojtarët në rast të ngjitjes së ekipit në Kategorinë Superiore.
Tashmë, ecuria pozitive e pogradecarëve dhe objektivi për elitën mbeten në pikëpyetje për shkak të kaosit të krijuar.
