Armando Broja është lënë jashtë listës së Burnley-t për përballjen e sotme ndaj Norëich City-t në javën e tretë të Championship.
Sulmuesi i Kombëtares shqiptare kishte marrë minuta në tri ndeshjet e kaluara të sezonit, por pa arritur të lërë gjurmë. Paraqitja e tij e fundit ishte në EFL Cup, ku Burnley pësoi një eliminim të papritur përballë Bradford-it.
Ky vendim i trajnerit Nicky Hayen konfirmon se 24-vjeçari nuk bën pjesë në planet e tij kryesore për këtë edicion. Broja po kalon një nga periudhat më të ndërlikuara të karrierës së tij, ku vuan për minuta dhe formë fizike.
Me mbylljen e merkatos që po afrohet, nuk përjashtohet mundësia e një largimi të minutave të fundit. Ditët e ardhshme do të jenë përcaktuese për të ardhmen dhe destinacionin e ri të sulmuesit kuqezi.
