Edon Zhegrova nuk është grumbulluar për ndeshjen e Juventusit ndaj Parmës, e vlefshme për javën e dytë të Serie A.
Bardhezinjtë e Luciano Spallettit luajnë në “Allianz Stadium” në orën 20:45, por emri i sulmuesit dardan mungon në listën e të grumbulluarve.
Kenan Yildiz, Khephren Thuram dhe Weston McKennie janë gjithashtu jashtë skuadrës për shkak të dëmtimeve. Sipas klubit, mungesa e Zhegrovës është për probleme muskulore, por në Itali e lidhin me situatën e merkatos.
Në ditët e fundit është shtuar interesimi i Lazios për ish-lojtarin e Lille, me klubin kryeqytetas që po shqyrton mundësinë e afrimit të tij. Lazio ka zhvilluar kontaktet e para për të kuptuar kushtet e një marrëveshjeje të mundshme me Juventusin.
Qëndrimi i Nico Gonzalez në skuadër mund të ndikojë gjithashtu në të ardhmen e Zhegrovës, për shkak të numrit të madh të lojtarëve ofensivë në dispozicion të Spallettit.
