“Tronditet” Napoli, De Bruyne mbyll vitin. Zbulohet sa mungon

Te Napoli është konfirmuar ajo që i frikësoheshin më shumë. Dëmtimi i Kevin De Bruyne ka rezultuar serioz.

Testet e fundit kanë zbuluar një këputje në bicepsin femoris të kofshës së djathtë. Viti 2025 për të është mbyllur, ndërsa rikthimi parashikohet në fillim të muajit shkurt.

“Pas dëmtimit të pësuar gjatë ndeshjes kundër Interit, Kevin De Bruyne iu nënshtrua testeve në Spitalin Pineta Grande, të cilat zbuluan një këputje të shkallës së lartë në bicepsin femoris të kofshës së djathtë. Lojtari ka filluar tashmë rehabilitimin e tij”, thuhet në faqen zyrtare të Napolit.

De Bruyne u bashkua me Napolin në merkaton e verës, pasi mbylli aventurën te Manchester City.