Rusia është shfaqur e gatshme të marrë përsipër organizimin e Kampionatit Europian “Euro 2032”, në vend të Italisë, e cila aktualisht është bashkëpritëse zyrtare me Turqinë.
Shkak për këtë mundësi janë vështirësitë logjistike dhe ekonomike që Italia po has në përgatitjet për turneun. Federata Ruse e Futbollit ka deklaruar se është gati të garantojë kushte moderne dhe organizim në nivel të lartë, duke u mbështetur në përvojën e Kupës së Botës 2018.
Pavarësisht sanksioneve ndërkombëtare që e kanë përjashtuar nga kompeticionet, Rusia po zhvillon kontakte me UEFA-n për një rikthim të mundshëm në skenën europiane. UEFA nuk ka dhënë ende asnjë konfirmim zyrtar për një ndryshim të mundshëm të vendeve pritëse.
Një vendim pritet gjatë muajve të ardhshëm. Zërat për një përfshirje të Rusisë në “Euro 2032” kanë marrë jehonë të gjerë në mediat ndërkombëtare. Prej pezullimit nga UEFA dhe FIFA, Rusia ka zhvilluar vetëm ndeshje miqësore.
