Kosova siguroi një kualifikim historik për në fazën “play off” të Botërorit, ku do të përballer me Sllovakinë.
Trajneri Franco Foda, po bën një punë të shkëlqyer, por jo të gjithë lojtarët janë të lumtur me të.
Një prej tyre është edhe Edon Zhegrova. Për mos aktivizimin e sulmuesit, Foda theksoi se nuk është në formën e tij më të mirë.
Për këtë ka reaguar vetë lojtari. Pas ndeshjes me Zvicrën, Zhegrova u shpreh: “Unë jam në formë 100%. Po qarkullojnë fjalë sikur nuk jam në formë, por unë jam në formë 100%. Jam i gatshëm të luaj 90 minuta dhe të tregoj ato që mundem të bëj.”
Kjo deklaratë menjëherë ka marrë reagime nga tifozët, të cilët akuzojnë Zhegrovën se fut përçarje në ekip, në një kohë kur skuadra po bën shumë mirë.
