Anis Mehmeti ka marrë një lajm pozitiv lidhur me të ardhmen e tij te Ipswich Town.
Sulmuesi shqiptar është përfshirë zyrtarisht në listën me 25 lojtarë që klubi i ka dorëzuar Premier League. Kjo lëvizje vjen si një kthesë e rëndësishme, duke marrë parasysh se 25-vjeçari deri tani ishte lënë në tribunë.
Mehmeti rrezikoi gjatë merkatos duke refuzuar ofertat për t’u rikthyer në kampionatin e Championship. Pasi ka luajtur në kategoritë më të ulëta të futbollit anglez, ai synon të bëjë realitet ëndrrën për të marrë minuta në elitë.
Anësori kuqezi ishte një nga lojtarët më të vlerësuar gjatë periudhës së tij në ligën e dytë angleze.
Tashmë, me një kontratë që e lidh me Ipswich Town deri në verën e vitit 2029, i mbetet të punojë fort për të fituar besimin e trajnerit.
