ZYRTARE/ Klubi i Superligës largon trajnerin

Bylbyl Sokoli nuk është më trajner i Drenicës. Njoftimi për largimin e tij është dhënë nga vetë klubi i Superligës së Kosovës.

Në postim thuhet se mbyllja e bashkëpunimit është bërë me mirëkuptim të plotë.

POSTIMI:

FC Drenica njofton opinionin se bashkëpunimi me Prof. Bylbyl Sokolin ka përfunduar në mirëkuptim të plotë dhe në frymën më korrekte të respektit profesional.

Klubi e falënderon sinqerisht Profesor Sokolin për të gjithë kontributin e dhënë, nga rikthimi në Superligë deri te puna e tij këtë sezon në komponimin dhe përgatitjen e skuadrës. Kontributi i tij mbetet i vlerësuar nga drejtuesit, futbollistët dhe çdo njeri që e do FC Drenicën.

Profesor Sokoli do të mbetet gjithmonë pjesë e historisë sonë dhe do të ketë respektin më të lartë nga klubi dhe komuniteti.

FC Drenica vazhdon përpara me qartësi, profesionalizëm dhe objektiva të mëdha.

Klubi ynë është i përkushtuar të ndërtojë një projekt serioz, afatgjatë dhe me ambicie të qarta për të çuar Drenicën në arenën europiane.

FC Drenica – Me dinjitet përpara.