Sulmuesi me origjinë shqiptare, Delis Gjeci, ka nënshkruar zyrtarisht kontratën e tij të parë si profesionist me klubin e Interit.
Marrëveshja e re e lidh talentin 17-vjeçar me zikaltrit deri në verën e vitit 2028. Gjeci, i cili luan në krahun e djathtë të sulmit, vlerësohet si një nga lojtarët më premtues të akademisë zikaltër.
Përmes një postimi në rrjetet sociale, lojtari u shpreh i nderuar për këtë hap, duke theksuar se rruga përpara është ende e gjatë. Aktualisht, Gjeci është pjesë e kombëtares U-17 të Italisë, ku ka treguar performanca pozitive.
Megjithatë, mbetet e hapur mundësia që në të ardhmen ai të zgjedhë të përfaqësojë Shqipërinë në nivel ndërkombëtar. Klubi i Interit ka blinduar kështu një nga “xhevahirët” e tij për katër vitet e ardhshme.
