Kristjan Asllani ka shënuar golin e parë në Turqi me fanellën e Besiktas. Mesfushori i Kombëtares, gjeti rrugën e rrjetës në humbjen 2-1 ndaj Samsunspor në transfertë.
Në minutën e 91-të, Asllani u tregua i saktë nga pika e bardhë e penalltisë. Ky është goli i parë për lojtarin kuqezi në Superligën Turke, aty ku u transferua në merkaton e dimrit.
Realizimi vjen në një moment, kur përflitet se e ardhmja e Asllanit është në dyshim te Besiktas.
Kujtojmë se kartoni i mesfushorit zotërohet nga Interi, ndërsa Besiktas ka të drejtën e blerjes në fund të sezonit.
