Kristjan Asllani është shfaqur protagonist në ndeshjen që ekipi i tij, Al Jazira fitoi në transfertë përballë Shabab Al-Ahli Dubai. Sfida e vlefshme për javën e 4-t të kampionatit në Emiratet e Bashkuara Arabe, përfundoi 1-3.
Mesfushori i Kombëtares shqiptare la shenjë me golin e 3-të për të tijët, që i “vuri kapak” sfidës. Elbasanasi e gjeti rrugën e rrjetës në minutën e 91-të, falë një supergoli nga jashtë zone.
Vlen të theksohet se Asllani u fut në lojë në minutën e 64-t, por ia doli që të linte shenjë. Kështu, mesfushori kuqezi shënon edhe golin e parë me klubin e “sheikëve”.
