Anis Mehmeti po aktivizohet me Bristol City në Championship, ku ka regjistruar 6 gola dhe 6 asistime këtë sezon.
Sipas “Transfermarkt”, vlera e kartonit të tij vlerësohet rreth 10 milionë euro. Mediat greke raportojnë për interes nga Panathinaikos.
Sipas këtyre burimeve, trajneri Rafael Benitez i ka kërkuar drejtuesve të klubit afrimin e sulmuesit shqiptar në merkaton e janarit.
Po ashtu, aludohet se janë zhvilluar kontakte paraprake mes palëve. Mehmeti është një lojtar ofensiv që mund të luajë në disa role, përfshirë mesfushorin ofensiv dhe sulmuesin e krahut.
Kontrata e tij me Bristol City është e vlefshme deri në verën e vitit 2026. Aktualisht nuk ka një konfirmim zyrtar për rinovimin ose transferimin e tij.
