Anglia ka fituar Kampionatin Europian të Futbollit për Femra, pasi mundi Spanjën me penallti dhe mbrojti titullin e fituar katër vite më parë. Ndeshja përfundoi 1-1 pas kohës së rregullt dhe shtesës, me Mariona Caldentey që kaloi Spanjën në avantazh dhe Alessia Russo që barazoi për Anglinë me një goditje me kokë.
Në serinë e penalltive, Anglia triumfoi me rezultatin 3-1. Portierja Hannah Hampton priti dy gjuajtje vendimtare, ndërsa Kelly realizoi penalltinë përfundimtare për të siguruar suksesin. Ky është triumfi i parë i një kombëtareje angleze në një turne madhor të zhvilluar jashtë vendit dhe titulli i tretë radhazi europian për trajneren Sarina Wiegman, e cila ka fituar me dy kombëtare të ndryshme.
Anglia bëhet gjithashtu skuadra e parë që fiton një finale të Europianit me një ndeshje të vetme, pasi ka qenë në disavantazh në pjesën e parë.
Për më tepër, kjo ishte hera e katërt në këtë turne që skuadra kalonte në disavantazh, por arriti të përmbyste situatën. Ky sukses e forcon statusin e Anglisë si një prej kombëtareve më të forta në botë në futbollin e femrave.
/Cna
