Ademola Lookman ka përkeqësuar marrëdhëniet me Atalantën. Pas dështimit të transferimit te Interi në korrik, sulmuesi ishte larguar nga Bergamo dhe kishte ndalur çdo komunikim.
Ai u rikthye në Itali më 18 gusht dhe ditën pasuese kreu një stërvitje individuale në qendrën stërvitore të Zingonias.
Atalanta e ka gjobitur lojtarin për 15 ditët e mungesës së pajustifikuar, ndërsa pritet që dënimi të shoqërohet edhe me ulje page. Lookman do të vazhdojë të kryejë seanca të personalizuara deri në fund të merkatos, më 2 shtator.
Sa i përket së ardhmes, mbetet i hapur opsioni i një transferimi jashtë Italisë, me interes konkret sidomos nga klubet e Premier League. Për momentin, çdo gjë mbetet në pritje të zhvillimeve të ardhshme mes palëve.
