Mbrojtësi i kombëtares shqiptare, Mario Mitaj, pritet të largohet nga kampionati i Arabisë Saudite për të nisur një aventurë të re.
Mediat greke kanë ngritur hipotezën e një rikthimi të mundshëm të lojtarit te skuadra e AEK-ut të Athinës, aty ku ai nisi karrierën e tij profesionale. Edhe pse ka një kontratë të vlefshme me Al Ittihad deri në vitin 2028, humbja e statusit të titullarit ka shtyrë palët të diskutojnë për të ardhmen.
Trajneri i klubit grek, Marko Nikolic, po këmbëngul për të siguruar shërbimet e futbollistit. Kartoni i mbrojtësit 22-vjeçar vlerësohet aktualisht në treg rreth 5.5 milionë euro.
Kjo shifër konsiderohet e përballueshme dhe një investim me perspektivë për drejtuesit e klubit nga Athina. Në rast të realizimit të këtij transferimi, lojtari kuqezi do të bashkohej me dy shokët e tij të kombëtarja, Thomas Strakoshën dhe Stavro Pilo-n.
Negociatat pritet të nisin zyrtarisht për të gjetur një akord që kënaq si klubin saudit, ashtu edhe lojtarin. Ky hap shihet si një mundësi e mirë që mbrojtësi të luajë sërish rregullisht në futbollin evropian.
Zhvillimet e mëtejshme pritet të qartësojnë nëse Al Ittihad do të pranojë shitjen përfundimtare apo një formulë tjetër largimi.
