Ndeshja mes AEK-ut të Athinës dhe LASK-ut ka startuar duke çelur kështu zyrtarisht sezonin e ri në fazën e grupeve të UEFA Champions League.
Në prag të këtij takimi janë publikuar edhe formacionet zyrtare, ku bien në sy vendimet e trajnerit serb Marko Nikolic.
Ndryshe nga sa pritej, portieri i Kombëtares shqiptare, Thomas Strakosha, nuk është përfshirë në formacionin titullar. Pavarësisht se Strakosha luajti si titullar në fitoren 5-0 ndaj Aris në kampionat para tri ditësh, kësaj radhe ai ka mbetur tërësisht jashtë listës, madje edhe nga stoli i rezervave.
Nga ana tjetër, mbrojtësi i Kombëtares, Stavro Pilo, ka marrë besimin e plotë të teknikut dhe e ka nisur duelin nga minuta e parë në fushën e blertë.
Skuadra greke kërkon ta nisë me pikë të plota këtë aventurë europiane përpara tifozëve të saj. Të gjitha sytë do të jenë te paraqitja e mbrojtësit shqiptar gjatë kësaj përballjeje të rëndësishme.
