Serbia i bën “presion” Shqipërisë, zyrtarizohet skuadra e parë europiane në Botëror

Gjatë kohës që Shqipëria zhvillonte ndeshjen miqësore ndaj Jordanisë, në Grupin K të kualifikuesve të Botërorit u luajtën dy takime të rëndësishme. 

Anglia siguroi matematikisht vendin e parë në grup, pas fitores 5 me 0 ndaj Letonisë, duke u bërë skuadra e parë evropiane që siguron pjesëmarrjen në Botërorin 2026.

Në takimin tjetër, Andorra u përball me Serbinë në një ndeshje me rëndësi për renditjen e Shqipërisë. 

Vendasit kaluan të parët në avantazh, por vetëm pas dy minutash rezultati u barazua pas një autogoli të Garsia.

Në pjesën e dytë, Serbia përmbysi ndeshjen me golin e Vlahoviç, ndërsa rezultati final 3 me 1 u vulos pas një penalltie të akorduar në minutat e fundit. Me këtë fitore, Serbia ngushton diferencën me Shqipërinë në vetëm një pikë dhe mbetet një rivale direkte në garën për kualifikimin në fazën play-off të Botërorit 2026.

/Cna