Përballja mes Skënderbeut dhe Tiranës ka marrë tashmë konfirmimin zyrtar sa i përket stadiumit ku do të zhvillohet.
Ndeshja e vlefshme për javën e katërt në Superiore do të luhet në qytetin e Korçës. Sfidës i është dhënë drita jeshile për t’u zhvilluar të premten në stadiumin “Skënderbeu”.
Gjithashtu, orari zyrtar i caktuar nga FSHF për këtë përballje do të jetë në orën 18:30. Burime pranë klubit juglindor sqarojnë se nuk do të ketë asnjë ndryshim sa i përket vendit të takimit.
Në këtë mënyrë, çdo gjë është gati në Korçë për pranimin e këtij dueli të rëndësishëm.
