Partizani triumfoi 3-2 ndaj Vllaznisë, në duelin e javës së tretë në Superiore. Një përballje spektakolare në Shkodër, ku në fund festa ishte për kryeqytetasit.
Partizani kaloi i pari në avantazh me një supergol të Fadairo në minutën e 5-të. Vllaznia barazoi në minutën e 22-të, pas autogolit të Vatës.
Në fund të pjesës së parë, Aliu riktheu avantazhin për kryeqytetasit. Musta barazoi për Vllazninë në minuitën e 58-të, pas një pasigurie në prapavijën e Partizanit.
Fundi ishte dramatik. Të kuqtë fituan penallti, e cila u shpërdorua nga Sidibe, gjuajtja e të cilit u ndal nga Avram. Megjithatë, penalltia u përsërit, për shkak të hyrjes në zonë të Mustës, i cili ishte lojtari që largoi topin.
Në tentativën e dytë, Hjuman u tregua i saktë dhe i dha avantazhin Partizanit, me golin e tretë, që ishte dhe i fitores.
Me këtë fitore, Partizani ngjitet në vendin e katërt me 4 pikë, Vllaznia zbret në vendin e tetë me 2 pikë dhe nuk njeh ende fitore këtë sezon.
