Java e parë e Kategorisë së Parë shkaktoi menjëherë polemika të mëdha gjykimi në përballjen mes Besës dhe Flamurtarit.
Përballja e zhvilluar në Fushën e Akademisë “KF Besa” u mbyll në një barazim spektakolar 3-3. Episodi më i diskutuar i takimit u regjistrua në minutën e 35-të, kur Ruzgis shënoi golin e avantazhit 2-1 për kurbinasit.
Ekipi i Flamurtarit protestoi ashpër te gjyqtarët për një pozicion të qartë jashtë loje gjatë këtij aksioni.
SHIKONI VIDEON:
Pamjet filmike konfirmojnë se në momentin e gjuajtjes, sulmuesi i Besës ndodhej përtej linjës së mbrojtjes përpara se të dërgonte topin në rrjetë nga kthimi i portierit.
Megjithatë, mungesa e sistemit VAR në këtë sfidë bëri që arbitrat ta konsideronin të rregullt realizimin.
