Venezia ka siguruar zyrtarisht rikthimin në Serinë A pas vetëm një sezoni në Serinë B, duke kurorëzuar një ecuri mbresëlënëse nën drejtimin e trajnerit Giovanni Stroppa.
Ngjitja direkte u arrit në javën e 37-të pas barazimit me Spezian dhe humbjes së Monzës, duke e çuar skuadrën në kuotën e 79 pikëvenë krye të renditjes, 4 pikë më shumë se vendi i tretë.
Për Stroppan ky është një tjetër sukses personal në të njëjtin stadium ku më parë kishte festuar ngjitjen në elitë me Cremonesen. Venezia regjistroi një ecuri me 23 fitore dhe vetëm 4 humbje gjatë gjithë kampionatit.
Suksesi u mbështet mbi sulmin më të mirë të ligës me 74 gola të shënuar dhe mbrojtjen e dytë më të fortë me 31 gola të pësuar, duke treguar një identitet të qartë me skemën 3-5-2.
Ky rikthim i menjëhershëm në elitë vulos dominimin e Venezias, e cila nuk ka pësuar asnjë humbje gjatë gjithë vitit kalendarik 2026.
![asat mala]](https://vetemsport.com/wp-content/uploads/2026/06/asat-mala-768x508.png)
