Gianni Infantino ka konfirmuar se do të rikandidojë për presidencën e FIFA-s në zgjedhjet që do të zhvillohen në pranverën e vitit 2027.
Infantino u zgjodh për herë të parë në vitin 2016, si pasues i Sepp Blatter, ndërsa u rikonfirmua në 2019 dhe 2023. Kjo do të jetë kandidatura e tij për një mandat të katërt në krye të FIFA-s.
Presidenti i FIFA-s po përballet me kundërshtime, veçanërisht nga UEFA, pas polemikave rreth menaxhimit të Botërorit 2026 dhe një projekti të dështuar për t’u shitur investitorëve privatë një pjesë e të drejtave komerciale të turneve të FIFA-s.
Federatat që duan të paraqesin kandidatë kundër Infantinos duhet të deklarojnë pjesëmarrjen deri më 18 nëntor të këtij viti. UEFA ka paralajmëruar se do të bashkëpunojë me federata të tjera për të gjetur një kandidat për kongresin e FIFA-s në mars.
Infantino nuk pranoi të përgjigjej nëse kishte menduar të jepte dorëheqjen apo nëse do të kërkonte mandatin e katërt, gjatë Botërorit U20 të femrave në Poloni. Ai është përballur me presion të shtuar pas dështimit të projektit për shitjen e një pjese të të drejtave të turneve të FIFA-s te investitorët privatë.
