Vllaznia U19 e nis me humbje kampionatin ndaj Partizanit.
Të kuqtë kryeqytetas arritën një fitore spektakolare me përmbysje 4-2 në përballjen e zhvilluar sot në “Shtëpinë e Futbollit”.
Ndeshja nisi më mirë për kryeqytetasit, të cilët kaluan të parët në avantazh me Rrengën në minutën e 17-të. Megjithatë, reagimi i shkodranëve erdhi para pushimit falë formës së shkëlqyer të Arkan Nikajt.
Sulmuesi barazoi fillimisht me penallti në minutën e 41-të dhe më pas përmbysi shifrat në 2-1 në minutat shtesë të pjesës së parë pas asistit të Uldedajt.
Në fraksionin e dytë, Partizani shtoi trysninë dhe realizoi tri herë në fundin e takimit me Hykën në minutën e 84-të, Arapin në minutën e 88-të dhe Qamilin në minutën e 93-të.
