Skuadra gjermane RB Leipzig ka zyrtarizuar afrimin e futbollistit me prejardhje shqiptare, Brajan Gruda.
21-vjeçari transferohet nga radhët e Brightonit në formë huazimi, i cili do të jetë i vlefshëm deri në përfundim të këtij sezoni. Te klubi i ri, Gruda do të mbajë fanellën me numrin 10.
Gjatë këtij edicioni në Premier League me Brightonin, sulmuesi u aktivizua në 18 ndeshje, ku arriti të shënonte një gol dhe të dhuronte një asistim.
Ky kalim shënon rikthimin e lojtarit në kampionatin gjerman, ku synon të gjejë më shumë minuta dhe të vazhdojë rritjen e tij profesionale në një ambient të njohur për promovimin e talenteve të rinj.
