Anësori i kombëtares shqiptare, Jasir Asani, ka shpërndarë një mesazh falënderues për tifozët për të konfirmuar vazhdimësinë e tij te skuadra e Esteghlalit.
Përmes një postimi zyrtar ku spikatnin edhe trofetë e fituar, futbollisti bëri të ditur arritjen e akordit të ri me klubin iranian. Në letrën e tij drejtuar mbështetësve, 31-vjeçari shprehu përkushtimin e tij të plotë dhe dëshirën për të shkruar kapituj të tjerë suksesi me këtë ekip.
Ky zyrtarizim i jep fund të gjitha spekulimeve të merkatos që e lidhnin sulmuesin me një kalim të mundshëm në kampionatin spanjoll te Getafe. Bisedimet mes palëve u përmbyllën me sukses, duke konfirmuar vullnetin e përbashkët për të vijuar bashkëpunimin edhe për edicionin e ri.
Tashmë përfaqësuesi kuqezi do të jetë i përqendruar tërësisht te sfidat e ardhshme sportive në futbollin aziatik. Ndërkaq, drejtuesit e klubit e konsiderojnë qëndrimin e tij si një pikë kyçe për të kërkuar të tjerë tituj në vazhdimësi.
