Ledio Beqja do i bashkohet Egnatias së Nevil Dedes në aventurën europiane. 25 vjeçari merr vendin e Eljon Sotës që u dëmtua rëndë ndaj Teutës.
Rregullorja e UEFA-s e lejon një lëvizje të tillë, kur bëhet fjalë për dëmtime të rënda që zgjasin të paktën 60 ditë. Kampionët vendosën që Beqja t’i bashkohet listës së Ligës së Konferencës, ndërsa opsione ishin edhe Deivid Hoxha, Zyber Çullhaj, Bjorni Duka dhe Reis Bakalli. Këto katër lojtarë shërbejnë në Superiore për rregullin e aktivizimit të një lojtari nga datëlindja 2007.
Beqja u afrua në korrik te kampionët e Shqipërisë. Në dy javët e fundit ka fituar minutat e para, pasi u rikuperua plotësisht nga dëmtimet.
Egnatia do të përballet me Universita Kraiovan më 5 nëntor. Sfida vlen për raundin e tretë të Ligës së Konferencës dhe do të nisë prej orës 21:00.
