Klubi i Superiores merr vendimin drastik për Enea Jorgjin

Pas Partizanit, një tjetër klub i Superiores ka shpallur “Non Grata” gjyqtarin Enea Jorgji. Bëhet fjalë për Dinamon.

Shkak janë bërë vendimet e marra në duelin ndaj Tiranës, ku dinamovitët nuk shkuan më shumë se barazimi 1 me 1.

Në minutën e 27-të, Jorgji ndëshkoi me karton të kuq Rifën, teksa në minutën e 40-të u përjashtua edhe trajneri Ilir Daja, për protesta.

Trajneri i Dinamos, u dënua me 5 ndeshje nga Komisioni i Disiplinës, pas incidentit me Jorgjin.