Ergi Axhani është kandidati kryesor për të marrë drejtimin e presidencës së klubit të femrave Vllaznia.
Dorëheqja e Lazër Matijas nga stoli i kuqebluve kishte krijuar pikëpyetje për të ardhmen e kësaj skuadre historike.
Axhani është një ish-futbollist i Vllaznisë dhe vjen nga një familje me lidhje të forta me sportin shkodran. I kualifikuar në strukturat e FSHF-së, ai ka treguar aftësitë e tij drejtuese duke e ngjitur KF Shirokën nga Kategoria e Tretë në të Dytën brenda dy vitesh.
Matija dhe Axhani kanë zhvilluar tashmë disa takime për të diskutuar kalimin e vazhdimësisë së klubit 13 herë kampion të vendit. Raportohet se bisedimet mes palëve janë në rrugën e mbarë dhe zyrtarizimi i marrëveshjes pritet të bëhet së shpejti.
Objektivi kryesor i drejtuesit të ri do të jetë ruajtja e hegjemonisë në kampionat dhe synimi i titullit të 14-të kampion në histori.
