Screenshot
Mbrojtësi i majtë Fabjan Përndreca është larguar përfundimisht nga skuadra e Dinamo City-t.
Mbrojtësi 19-vjeçar u huazua në fillim të merkatos nga Bylisi te blutë e kryeqytetit për ndeshjet e kupave të Evropës. Gjatë kësaj periudhe, talenti i ri shkëlqeu duke marrë minuta në 7 përballje të Ligës së Konferencës ku realizoi edhe një gol.
Përndreca u aktivizua gjithashtu edhe në 2 sfidat e para të këtij sezoni në Abissnet Superiore. Nën drejtimin e trajnerit Ilir Daja, mbrojtësi anësor ishte kthyer në një titullar të padiskutueshëm në krahun e majtë. Me këtë largim të papritur, Dinamo humbet një opsion mjaft të rëndësishëm në repartin e mbrojtjes.
Lojtari që u shpall talenti i vitit sezonin e kaluar është rikthyer te klubi i Bylisit.
Ballshiotët po shqyrtojnë tashmë të gjitha opsionet për të ardhmen e 19-vjeçarit, me shitjen e tij që duket e mundshme.
