Dinamo vazhdon punën me lëvizje strategjike për të ardhmen e skuadrës.
Gjatë muajit qershor, blutë afruan tre futbollistë nigerianë nga Ikhon Allah Academy, përkatësisht Favour Bidemi Richard, Jonathan Ochiche dhe Gabriel Michael Ogeuche.
Nga kjo treshe, qendërmbrojtësi 20-vjeçar Jonathan Ochiche ka bindur stafin teknik dhe është regjistruar zyrtarisht me ekipin e parë.
Skuadra kryeqytetase po tregon një kujdes të veçantë me lëvizjet në organikë. Kjo u vu re edhe me Fabjan Përndrecën dhe David Fadairon, të cilët ishin huazuar vetëm për ndeshjet e Evropës dhe nuk gjetën akord për kampionatin.
Ndërkohë, vëmendja e klubit është e përqendruar te sfida e sotme në kampionat. Dinamo do të përballet sot në orën 18:30 ndaj Elbasanit, në përballjen e vlefshme për javën e tretë të Superiores.
