Vendimi i arbitri Indrit Myrtja ka shkaktuar “zhurmë” dhe habi në opinionin sportiv në Shqipëri, në lidhje me ndeshjen Besa – Flamurtari, e përfunduar 3 – 3, nisja e Kategorisë së Parë për edicionin 2026-2027.
Konkretisht në minutën e 35-të, ndërsa rezultati ishte 1 – 1, sulmuesi i Besës, Ruzgis u pa dukshëm në pozicion jashtë loje, por asistenti e arbitri kryesor, Indrit Myrtja “mbyllën sytë” dhe e konsideruan të rregullt.
Reagimet e Klajdi Kolës, në pozitën e specialistit të moviolës në emisionin “Super Gol”, RTSH dhe Ardi Behari si specialist futbolli, kanë “folur më shumë seç duhet” për këtë episod. “Besa – Flamurtari, minuta e 2-të, penallti. Pra është e dukshme penallti.
Kjo është një ndeshje pa VAR. Gabim fatal në golin e 2-të të Ruzgis, gjykojeni vetë. E qartë se kemi të bëjmë me pozicion jashtë loje”, ishin fjalët e Klajdi Kolës.
Por reagim më goditëse në trajtë spontane, i takoi specialistit Ardi Behari, i cili mbeti i shtangur, e ku u shpreh: “Pse u dha gol kjo?!”
SHIKONI VIDEON:
